Cute mom

Ойрын өдрүүдэд хувийн ажил ихтэй завгүй байна аа. Нээрээ күүтий нь ярьж байсан жижигхээн дэлгүүрээ нээсэн. Тэндэх бараа таваар татах энээ тэрээ, гэрийн ажил, хүүхэд гээд хөөрхий блогоо бүүр мартах шахаж.  Охин минь уржигдар ой 4 сар хүрээд... их том охин болсон байгаа биз. Овоо хэдэн үг хэлж чаддаг болсон. Хүний хийсэн үйлдлийг дуурайж хийнэ гэж жигтэйхэн. Бас гэртээ их уйддаг бололтой. Зочин ирэхээр дагаад л хамаг юмыг нь сонжоод гүйчихнэ. Одоо заавал жимсний нухаш хийх шаардлагагүй болосн. Өөрөө барьж байгаад л идчихнэ. Хахана энэ тэр гэж ч айх айдас арай багассан. Бас өөрөө хоолоо идэж чаддаг сайн охин. Өөрөө халбагадаад л дор нь хоолоо идчихнэ. Ээжид нь хичнээн амар гээч. Бас өөрийнхөө хэдэн нүхтэй, сорж уудаг аягаа голчихсон. Том хүн шиг сэнжтэй аягаар ууна гэдэг болсон.  Орон дээр өөрөө авираад гарчихна бас болгоомжтой гэгч нь бууж чадна. За тэгээд бас ааш байна аа байна. За тэгээд нэг хоолонд учиргүй дуртай боллоо. Тэр нь тахианы мөч, шөлөнд нь хийсэн төмсний зутан.
"Охины минь ойрдоо хамгийн дуртай байгаа хоол- Тахианы махан төмстэй зутан" цааш унших »

Охин маань саяны хэдэн өдөр бие нь өвдлөө. Бөөлжөөд л гүйлгээд л, гэдэс нь дүүрээд уйлаад охиноо төрсөн цагаас 1 жил 3 сарын хугацаанд гэдэсний өвчин гэж нэг ч сандарч үзээгүй би анх удаа гэдэсний өвчинтэй нүүрээр тулсан чинь их сандарлаа шүү. Яг юунаас болсоныг харин тодорхойлж чадсангүй. Миний тодорхойлсноор бол сүү тараг 2 ойрхон өгснөөс болж гэдсэнд нь ээдээд дотрыг муухайруулж гэдсийг өвтгөлөө гэж дүгнэж байгаа. Гэхдээ өөр юмнаас ч болсон байж магад.
"Хүүхдийн гэдэс өвдөхөд" цааш унших »

1 ой гарсан маамаанууд гоймон түвэггүй идэж чаддаг болсон байх гэж бодож байна. Тэгвэл саяхны нэг өдөр дэлгүүр хэсч яваад Номиноос хүүхдэд зориулсан хөөрхөн хэлбэр дүрстэй гоймон оллоо. Ийм гоймон хүүхдийн хоол идэх сонирхлыг маш ихээр татаж мөн тэдэнд мэдлэг өгөх юм шиг санагдлаа.

Энэ гоймон загас, эрвээхий, сармагчин гээд янз бүрийн амьтадтай юм байна. Бас машин эд нартай байсан шүү. Брэнд нь Gallina Blanca юм байна.

Охиндоо өнөөдөр шинэ хоол хийж өглөө. Энэ бол хулуутай төмстэй зутан. Яаж хийх вэ гэхээр бидэнд жижиг төмсний тал, дунд зэргийн огурцины хэмжээтэй хулууны 1/4 хэрэгтэй.
"Хулууны зутан" цааш унших »

Анх ээж болоод гарч байсан хүндрэл болон хүүхдийн өсөлт хөгжил гээд өөрт  тулгарсан бодит асуудал, анхаарах зүйлсийн талаар туршлагаасаа бичихээр шийдлээ. Та бүхэнд хэрэг болох болов уу гэж бодлоо.
"Хүүхэд төрлөө. Одоо яах билээ?" цааш унших »

Охиндоо бэлэг хайж яваад ийм сериал оллоо. Янз бүрйин жимсний нэмэлттэй эрдэнэ шиш. Банана, усан үзэм, тоор, гүзээлзгэний хатаамал нэмсэн харагдаж байна. Амт нь ч гоё гэж найдаж байна. Үүнийг бэлтгэж өгөхдөө миксэрдээд халуун сүүнд хийгээд өгөхөөр гоё амттай болдог. Гэхдээ гараараа буталж жижиглэсэн ч болдог юм билээ.

Мэдээж 11 сар хүрсэн хүүхдүүдэд илүү зохимжтой. Хүүхдийнхээ хоолны нэр төрлийг нэмэгдүүлээрэй. Амжилт.

Нээрээ үүнийг Миний дэлгүүрээс авсан. Бас Меркурид байна лээ шүү.

Ойрд Күүтий нь зав жоохон муутай блогтоо бичлэг оруулалгүй удлаа. Миний охин гүйгээд л байна. Ойрдоо хэдэг үг сураад би гэдэг хүн бөөн баяр. Охин минь МАЙ, ЗА маш сайн хэлдэг болсон. Хүн болгонд май май гээд л юм өгөөд байна. Бас охин маань их юм мэддэг болсон. Улам л сайн өөрийгөө илэрхийлдэг болоод байна. Унтмаар байна идмээр байна гэдгээ их сайн ойлгуулдаг болсон.  Охиноо коршоконд суулгаж сургах гээд ээж нь тун ч амжихгүй юм. Дэлгүүрийн ажил, бараа, судалгаа гээд л өдөр маш амархан дуусах юм. Гэхдээ охиныхоо шинэ жилийг ээж нь мартаагүй. Ёолкыг нь засч өгсөн бас шинэ жилийн бэлгийг нь аль хэдийн бэлдээд охиноосоо нуучихсан. Охиндоо идэх дуртай нухаш, печень, шоколад бас шинээр олон төрлийн жимс самартай сериал аваад нуучихсан байгаа хэхэхэ. Эдгээрээс гадна USA-v соруултай аяга, хувцас хунар гээд зөндөө юм авсан.
"Бяцхан үрийнхээ шинэ жилийн бэлгийг бэлдсэн үү" цааш унших »

Би бодлоо. Блогоороо та бүхэнд мэддэг бүхнээ хэлж өгөөд дээр нь баярлалаа гэдэг үг сонсох их сайхан юм аа. Бас банжигынхан миний блогыг цахиур хагалах нэр зүүгээд би гэдэг хүн бүүр хөөрөөстэй.

Ойрын хэд хоног би гэдэг хүн өөрийн гэсэн бяцхаан бизнесээ эхлүүлэх гээд тун ч завгүй байлаа. Энэ талаараа уншигч та бүхэндээ мэдээлэх гээд л...

Тэр юу вэ гэхээр Cute mom нь facebook-д USA барааны бяцхаан дэлгүүр нээсээн. Хүүхдийн хувцас хэрэгсэл гээд олон сонголттой тэгээд өрсөлдөгчдөөсөө хямд үнэтэй, бас Монголд ховор байдаг бүтээгдэхүүнийг танилцуулан захиалга авах юм. Удахгүй он гарахаар энэ бүтээгдэхүүнүүдээрээ USA барааны дэлгүүр нээх санаатай ажиллаж байна. Гэхдээ жижигхээн хэхэ. Мөрөөдлийн маань өчүүхэн хэсэг гэх үү дээ.

Тэгэхээр та бүхэн миний блогт бичигдсэн, цаашид бичигдэх бараа бүтээгдэхүүнийг захиалж авах, бас бэлнээр сонирхож авах боломжтой боллоо. Эхний захиалга авах бараа бүтээгдэхүүнүүд тавигдсан.

Ингээд мөрөөдлийн минь нэгээхэн хэсэг бас та бүхэнд хэрэг болох бяцхаан дэлгүүрт минь түр саатаарай.

http://www.facebook.com/Telmenshop

 

Миний өчүүхэн хөдөлмөр, хүмүүст туслах гэсэн мэдээллүүдийг минь үнэлэн цахиур хагалах блогоор нэрлэсэнд маш их баярлалаа. Тэр олон мянган блогууд дотроос миний блогыг нэрлэсэнд бүүр итгэж чадахгүй нээ. Цаашид бүр ихийг хүмүүст зөвлөж хүргэхийг хичээнээ. Маш их баярлалаа. Нээрээ тун удахгүй нэгэн сайхан мэдээг та бүхэндээ хүргэх болно оо.  
"Банжигынхандаа маш их баярлалаа" цааш унших »

Өнөөдөр манай охины эмээ холоос ирээд манайхаар зочинтой байлаа. Охин маань энэ эмээгээ урд нь харж байгаагүй болохоор эхлээд бишүүрхэж байснаа тун удалгүй дундаа оров оо. Эмээ нь өвлийн өвөө цасан охиноо дагуулаад бэлэг тараадаг шиг бид 3-ээ бэлгээ өгөв. Охинд маань том биетэй гэсэн гээд 2-3 настай хүүхдийн хувцас авсан нь яг сайхан таарлаа. Бас  их гоё юмнууд өгсөн болохоор баярлахгүй байхын аргагүй. Ингээд блогтоо охиныхоо бэлэгний зургий оруулнаа.
"Охины минь бэлэг" цааш унших »

Энэ бичлэг реклам биш шүү. Зүгээр л миний охины хэрэглэдэг бүтээгдэхүүн. Бас нэгэн ээжийнхээ хүсэлтийн дагуу зугийг орууллаа. Энэ бүтээгдэхүүнүүд бол Гум гээд сүүний үйлдвэрийн бүтээгдэхүүнүүд юм. Хөргөгчинд маань тараг аарц 2 нь л байсан учраас зургийг авлаа. Бас 1л сүү болон кальциар баяжуулсан сүү байдаг. Сүүний уут байсан учраас бас зургийг орууллаа.
"Гум-ын сүү, сүүн бүтээгдэхүүнүүд" цааш унших »

Та бүхэн хэд хүртэл л хүүхдээ харж хэзээ ажилдаа орно гэж бодож байна вээ? Миний хувьд охин маань одоо 1 ой 2 сартай. Одоо охиноо хараад л гэртээ сууж байна. Гэрт суухаар их уйдах юм аа. Ажлаа хийгээд л гүймээр санагдах юм. Гэвч охиноо арай л бага байна гэж бодоод овоо том болгочихвол санаа амар ажлаа хийгээд явна даа гэж бодох юм аа.
"Ээжүүдээ та нар хэзээ ажилдаа эргэн орох вэ" цааш унших »

Дахин нэг бүтээгдэхүүний талаар таницуулахаар шийдлээ. Энэ бол хүүхдийн хуурайлагч. Энэ бас их амар эд байна лээ. Охин маань бага сартай байхдаа хуурайлах болгонд л шээчихдэг байсан. Тэгээд ор дэвсгэр нороод бүр хэрэг байхгүй. Ийм тохиолдолд энэ хуурайлагч бол хамгийн хэрэгтэй бүтээгдэхүүн байлаа.
"Хуурайлагч" цааш унших »

Би нэт ухаж яваад нэг чухал юм саналаа ээжүүдээ. Төрөлтийн дараах маш чухал тэгээд их хэцүү зүйлийн нэг бол хүүхдээ хөхүүлэх юм байна гэж би бодсон. Та нарт ч бас тийм бодол төрсөн байх гэдэгт би эргэлзэхгүй байна. Хөх хагарах гэж маш аймаар зүйл байдаг гэж ээжүүдээс их сонсож байлаа. Миний охин төрөөд дараа нь миний хөхний сүү муу байснаас болж бас төрөхөөс өмнө хөхний дасгал хийж хөхөө дасгаагүйгээс болж хүүхдээ хөхүүлэхэд маш их эмзэглэлтэй байсан. Гэхдээ арай хагараагүй. Ээж маань эмнэлэгт байхад надад нэг гелин тос авчирч өгч байсныг нь л түрхэж байлаа. Тэгээд эмнэлгээс гарсны дараа Англиас хөхний хагаралтаас сэргийлэх, эмзэглэлийг арилгах нэгэн тос ирсэн нь миний ёстой л нэг нарыг гаргасан. Энэ тосны зургийг орууллаа.
"Хөхний хагаралтын эсрэг тос" цааш унших »

Ойрдоо Cutemommy нь шинэ бичлэг оруулж амжихгүй л явна. Охиноо харахаас гадна нэтээр USA, UK дэлгүүрүүдийн сайт ухдаг ажилтай болсон. Нөхрийн маань ах тэнд байдаг ба захисан зүйлсийг авч өгч явуулахаар болсон юм. Тэгээд л би гэдэг хүн өөртөө охиндоо за тэгээд ганц нэг хүмүүсийн захиас, бас бус зарах зүйлс үзэж хардаг ажилтай нэгэн болсон. 
"Завгүй ээж охин хоёр" цааш унших »

Анзаараад байхад хүүхдийн бор хоолонд оруулах, мөн хоол нь таарч тохироогүйгээс болж ээжүүд бидэнд нэгэн томоохон асуудал үүсдэг. Юунаас эхэлж өгөх вэ ямар хэмжээтэй өгөх вэ, гэдэс нь өвдчих болов уу, гэдэс нь өвдчихлөө яах вэ гээд л асуудал, айдас болгоомжлол ар араасаа хөвөрдөг.
Дөнгөж ээж болж байгаа надад ч бас ялгаагүй хооллолтын талаар ийм айдас болгоомжлол байнга л төрдөг. Тэгэхээр би өөрийнхөө охиноо хэрхэн бор хоолонд дасган оруулснаа бичихээр шийдлээ. Энд манай нэг эгч их зөвөлгөө тусламж үзүүлсэнийг дурьдахгүй өнгөрч болохгүй. Хэрэв тэр хүн зөвлөөгүй бол би гэдэг хүн өнгөрөх байлаа шүү дээ.
"Хүүхдийн бор хоолны эхлэлийг тавьх нь" цааш унших »

Манай Гана гэдэг нэгэн блогчин ээж маань надад ийм бичлэг бичих санаа өгсөн юм. Энэ нь юу вэ гэхээр хүүхдийн хэрэгслүүдийн талаар юм л даа. Ой хүрсэн хэрнээ мөлхөж явж чадахгүй хүүхэд байдаг тухай сонсоод ээжүүддээ бас нэгэн зөвөлгөө өгөхөөр шийдлээ. Их тэвэрснээс бол хүүхэд бие даан үйлдэл хийж чадахгүй байдалд хүрэх нь байдаг байна. Би бас нэгэн хамаатныдаа очтол тэднийх 6 сартай хүүхэдтэй байсан юм. Тэгээд ажаад байхад тэд хүүхдээ  ерөөсөө тавихгүй тэврээд л байсан. Би хүүхдээ суулгаач гэтэл диван дээр суулгачихсан. Энэ бүгд бүгд буруу юм байна. Яагаад гэвэл хүүхдийг сууж сурмагц эсвэл тэрнээс ч өмнө байнга газар тавих хэрэгтэй. Ингэснээр хүүхэд хөдөлгөөнтэй эрх чөлөөтэй байж ямар хөгжил түүний биед явагдах ёстой тэр бүгд цаг хугацаандаа явагдаж чадна. Миний хувьд охиноо 5,5 сартай болоод сууж сурмагц би том өрөөдөө газар хүүхдийн зөөлөвч дэвсээд түүнийг сэрүүн байх үед нь ихэнхдээ газар суулгадаг байсан. Тэгээд түүнд янз бүрийн тоглоом өгөөд байнга хажууд нь хамт тоглон өөрөө суудаг байсан. Энэ зөөлөвч нь доороосоо хайрахгүй маш дулаахан. Мөн ингэж суулгахдаа хүүхдээ дааруулахгүй зузаан хувцаслаж байхыг ээжүүддээ анхааруулая. Тэр зөөлөвч маань энэ байна.
"Хүүхдийн шалан дээр дэвсдэг зөөлөвч ба зөөлөн дэр" цааш унших »

Миний охин өнөөдөрийн байдлаар 1 ой 1 сар 12 хоногтой болж байна. Тэр минь өдөр өдрөөр нүдэн дээр өсч, хөгжиж байгаа нь ээжид нь үнэхээр аз жаргалтай байна. Анх  ямар ч үйлдэл хийж чадахгүй алгын чинээ амьтан байснаа бодвол одоо юм юм хийж чаддаг бандгар маамаа болжээ. 
"Бяцхан охины минь хийж чаддаг зүйлс" цааш унших »

Охин маань сая ханиад хүрээд хоолой нь өвдөөд тэгээд ээж аав 2ыгоо түргэн авхуулж 10 хоног тун ч завгүй байлгаж ойрноос овоо гайгүй болоод байна. Гадаа хүйтэрснийг хэлэх үү эцэг эхчүүд бид хүүхдээ дааруулснаас болж хүүхэд ханиад шуухнаа хүрэх нь их. Гадуур ч их ханиад байгаа бололтой.Жилд хотын хүүхдүүд 5-8 удаа, хөдөөгийн хүүхдүүд 3-5 удаа ханиад хүрдэг гэсэн статистик байдаг юм байна.
"Бяцхан үрсээ аль болох өвтгөхгүй эрүүл аз жаргалтай байлгацгаая" цааш унших »

Ээжүүдээсээ асуух зүйл байна аа. Би охиндоо нэг ийм хөнжил захиж авах гээд... Энэ хөнжил бол хүүхэд хөнжлөө тийрээд шөнө даарахаас сэргийлсэн сайхан бүтээгдэхүүн байна. Одоо манайд маш хүйтэн эрс тэс өвөл маань ирж байгаа учраас хүүхдүүд шөнө даарч ханиад хүрэх хоолой өвдөх асуудал их гардаг. Тэгэхээр ийм хөнжил хэрэглэж байгаа ээжүүдээ зөвөлгөө өгөөрэй. Энэ хөнжил хүүхдэд эвтэйхэн дулаахан байж чадах уу. Бас үүнийг хэдэн нас хүртлээ хэрэглэх боломжтой юм бол?
"Хүүхэд тийрч чадахааргүй хүүхдийн хөнжил" цааш унших »